Lideri i Aleancës për Ardhmërinë e Kosovës (AAK), Ramush Haradinaj, sot ka shtruar iftar, ku i ftuar ishte myftiu i Bashkësisë Islame të Kosovës, Naim Tërnava dhe bashkpuntorët e tij.

Haradinaj  tha se ky muaji i shenjtë i Ramazanit le të na shërbejë në thellimin dhe forcimin e përkrahjes dhe zemërgjerësisë, transmeton arbresh.info.

“Rrugëtimi njëmujor me agjërim, lutje dhe devotshmëri ndaj Krijuesit, të na shërbejë në thellimin dhe forcimin e përkrahjes dhe zemërgjerësisë. Agjërim të lehtë, begati dhe mirëqenie për çdo familje!” ka  thënë Haradinaj.

Ndërsa myftiu Tërnava, ka falënderuar kryetarin e AAK-së për këtë iftar, ndërsa theksoi se BIK-u do të punojë që në Kosovë të ketë harmoni e bashkëjetesë dhe respekt të ndërsjellë mes të gjithë njerëzve pavarësisht dallimeve etnike dhe fetare. /K. Gërbeshi/arbresh.info/